Theocratis njoensoe

◆ Watch Tower Society — 100 jari owroe! Tapoe 6 oktober 1984 ini na Corapolis-congreshal ini na Amerkan staat Pennsylvania wan komakandra ori di warti foe memre en. A ben de na di foe 100 jari komakandra foe na Watch Tower and Tract Society of Pennsylvania, a genootschap di abi na heri loekoe abra a grontapoe activiteit foe Jehovah Kotoigi. Na mamanten joeroe wan enthousiast faja komakandra ben ori di ben abi foe doe nanga wet. Memre nanga fisitiman ben komoto foe moro leki 50 kondre. A mindri den 1615 sma joe ben abi 159 foe na heri nomroe foe 429 memre foe na corporatie. Na bakadina joeroe wan faja programma ben de na ini na Three Star Rivers Stadium ini Pittsburgh di 37.733 sma ben go fisiti. Ete sowan 59.715 sma tangi foe wan telefoonverbinding ben kan arki na programma ini 34 congreshal ini den VS èn Canada, san ben meki na heri nomroe foe sma di ben arki kon tron 97.448. A thema foe na komakandra disi ben de „Jehovah alaten ben bewijsi taki a de nanga en pipel”. A thema disi ben e kon safrisafri na krin ini lezing di ben naki joe ati èn ondrofenitori di brada di ben dini Jehovah langa ten kaba ben e ferteri. Alasma ben e prisiri nanga disi — nanga den wortoe foe na presidenti foe na Genootschap F. W. Franz, — „disi de na di foe 100 jari dati Jehovah organisaatsi e gebroiki na wetteleke corporatie disi”.

◆ Ini augustus Bolivia ben abi wan njoen hémarki foe 3899 prékiman, wan go na fesi foe 21 procent te joe agersi en nanga na jari a fesi. Den gemeente prékiman ben abi wan gemiddelde foe 12 joeroe velddienst èn den ben hori 6846 osobijbelstudi.

◆ Na heri nomroe foe 160.927 prékiman di ben meki rapport ini Brazilië ini augustus, e hori makandra 147.894 bijbelstudie. Ala toe nomroe de aantal di noiti bifo den ben doro den hémarki disi ete. Brazilië ben meki rapport toe foe na di foe tinadri hémarki di waka baka makandra ini gewone pionier.

◆ Augustus ben gi Engeland 97.495 prékiman foe si, foe Canada 80.939; ala toe aantal de njoen hémarki.