Meki na prati foe tijdschrift kon moro hé na ini april nanga mei
1 Meki wi meki plan foe meki na prati foe tijdschrift kon moro hé na ini april nanga mei. Fo uitgave di o waka baka makandra foe Na Wachttoren sa kon a doro èn den tori tapoe na fes’sé sa hari a prakseri poti tapoe na bijbel leki wan boekoe di abi prakseri di noiti e misi èn leki wan fonten foe praktis rai foe gi wi tiri na ini wan djoegoedjoegoe grontapoe.
2 Tapoe na fes’sé foe Na Wachttoren foe 1 april sa tanapoe: „Na bijbel — A Wortoe foe Gado ofoe foe libisma?” Na uitgave foe 15 april e go moro fara nanga: „Na bijbel — Wan boekoe gi na heri libisma-famiri”. Na tori di de na a fes’sé foe 1 mei sa de: „Na bijbel — De praktis gi a modern libisma?” Ala di „Na bijbel nanga joe tamara” sa kon tapoe na fes’sé foe Na Wachttoren foe 15 mei.
3 Foe di na ini den toe moen disi foeroe sma sa skrifi den nen leki jepi-pionier èn ala sma e kisi dek’ati foe prati den tijdschrift disi na alasé, dan a de now a ten foe bestel ekstra exemplaar foe prati. Ekstra exemplaar foe Ontwaakt! moe bestel toe akroederi na fanowdoe foe na gemeente.