Yepi nyunwan fu gi komentaar tapu komakandra
1 Fa de wan span sani fu yere wan bijbelstudenti e gi en fosi komentaar na ini na Kownukondrezaal! A e gi wi trutru wan firi fu satisfaksi, wan bewijsi te yu luku en bun dati na nyun sma teki trutru na waarheid. Nyunwan musu frustan dati na du fu wan publiki bekenti de fanowdu. A de wan buwijsi fu bribi di e tyari ferlusu kon. — Romeini 10:10.
2 Yesus ben taki: „Ibri wan sma di kisi leri volmaakti, sa de leki en leriman” (Luk. 6:40). Disi mu meki wi kisi bun na ini wi frustan dati wi kan leri nyunwan fu gi komentaar tapu komakandra fudi wi e du dati wisrefi. Wi kan yepi den frustan dati sabi de wan fosi vereiste fu na gi fu komentaar. Leri den dati na marki fu studeri mu de fu gebroiki na sabi di wan sma kisi na tapu den komakandra èn na ini na velddienst èn ooktu fu poti den persoonlek libi reti.
3 Son nyunwan kande e hori densrefi a baka fudi den e denki dati den no kan gi komentaar so bun leki trawan. Ma wi kan yepi nyunsma fu frustan dati eenvoud de prenspari fu taki bun. Efu wi eigi komentaar e fiti, de syatu èn e go tapu a punt fu a tori, dan nyun sma no sa firi densrefi ferplekti fu gi uitgebreide piki. Den kan kisi yepi fu brokobroko na aksi na pikin pisi, fu feni na prakseri na ini na paragraaf di e gi na piki, èn dan fu ferteri na prakseri dati na ini den eigi wortu. A de ooktu prenspari dati den kon frustan fa den tekst di ben skrifi poti ofu den tekst di den poti ma di den no skrifi den abi fu du nanga na punt di den e taki fu en. Meki den si fa den kan gebroiki den tekst na ini na paragraaf fu horibaka gi den komentaar fu den. Leri den fu poti wan strepi na ondro den sroto wortu èn kande meki syatu aantekening na sei fu na paragraaf. Gi den dek’ati fu taki tranga nofo èn krin, sodati ala sma kan nyanbun fu den komentaar di den sreka a fesi. Te den sreka densrefi bun a fesi dan dati sa yepi den fu no frede fu gi piki.
4 San wi kan du moro ete fu gi dek’ati na nyunwan fu gi komentaar? Te yu sdon na sei den dan dati kan yepi den fu de korostu èn meki dati den firi densrefi tapu den gemak. Kande yu wani gi den a rai fu go sdon na fes’sei, pe moro mendri sani de fu puru den prakseri. Sori en den aksi di nanga pikinso wortu yu kan piki den.
5 Te wan gemeente bukustudileider leri sabi wan nyunsma ini en grupu moro bun, dan a ben sa kan aksi en fu leisi wan tekst. Baka na studi wan opregti sori fu warderi fu den muiti fu en gi na nyunsma dek’ati fu tan gi komentaar tapu na bukustudi èn bakaten ooktu teki prati geregeld na den tra komakandra.
6 A de wan grani fu abi wan prati na a gi fu komentaar tapu komakandra (Hebr. 10:24, 25). Wi wani yepi nyunsma fu frustan disi. A kan gi ala sma di de ini a tori wan ekstra dek’ati èn blesi. Efu wi de now na ini na velddienst ofu na tapu wi gemeente komakandra, wi abi okasi fu du san Hebrewsma 13:15 e fermane wi fu du: „Meki wi tyari alaten nanga yepi fu en wan srakti ofrandi fu prijse gi Gado, dati wani taki na froktu fu den mofobuba di e meki en nen bekenti na publiki.”