Sori lobi gi Gado nanga den sma na wi sei
1 Di Yesus ben gi piki na wan sma di ben aksi: „Leriman, san de na moro bigi gebod ini na Wet?”, a ben taki: „Yu mu lobi Yehovah, yu Gado, nanga yu heri ati, èn nanga yu heri sili èn nanga yu heri frustan. Disi na a moro bigi èn fosi gebod. Na di fu tu, di de en speri, de disi: ’Yu mu lobi sma na yu sei leki yusrefi.’” — Mattéus 22:36-39.
2 Na bigi lobi fu Yesus gi Gado ben kon na krin, na ini na fasi fa a ben e tyari en libi. A ben taki: „Mi nyanyan de, dati mi e du na wani fu en di ben seni mi èn fu kaba en wroko” (Yohannes 4:34). Na opregti lobi fu en gi sma na en sei ben beweigi en fu preiki na bun nyunsu fu na Kownukondre fayafaya. A ben dresi sma ooktu. Èn fa wan lobi di e psa ala sani ben kon na krin na ini na gi fu na libi fu en leki wan lusu paiman gi na libismafamiri! Fa wi kan waka na baka Yesus na ini a tori fu wi lobi gi Gado nanga den sma na wi sei?
FA FU SORI LOBI
3 Ferteri trawan fu na bun nyunsu fu na Kownukondre, de wan moro prenspari fasi gi wi fu sori lobi. Libisma abi wan gron gi howpu èn ooktu, bodoi fanowdu fu kakafutu gi den muilek ten disi (2 Timóteus 3:1). Wi bribi ini Gado Kownukondre musu buweigi wi fu taki fu dati, nanga na opregti winsi fu gi ala sma na okasi fu yere na waarheid fu Gado kownukondre èn en prakseri nanga na grontapu e gi en grani. Wi abi sowan lobi gi Gado èn den sma na wi sei? Wi e teki dorodoro prati na a Kownukondrepreikiwroko? Wi e nyanbun fu den okasi fu gi kotoigi te a man na famirman, birti èn trawan? Wi alamala musu kan gi den sortu bewijsi disi fu wi lobi gi Gado èn den sma na wi sei.
4 Wantu sma kande ben abi na meine dati soso den wan di de bekwaam èn di kisi bun leri seti bun trutru fu tyari sowan prenspari boskopu go na doro. Ma a de moro furu un fertrow ini Yehovah di de fu belang (Luk. 11:13; 1 Kor. 1:26, 29, 31). Lobi gi Gado nanga den sma na wi sei sa meki wi man fu wini negatief firi èn feni trutru prisiri ini wi diniwroko. Efu wi e frustan dati wi e yepi sma di den e taki fu den leki „sma di den fufuru en di drifi go-kon leki skapu sondro herder” dan wi no sa broko wi ede moro langa psa marki nanga wi srefi. — Mat. 9:35, 36.
FA FU ABI WAN PRATI NA EN INI MAART
5 Ini na mun maart wi abi wan tumsi moi okasi fu sori wi lobi gi Gado nanga den sma na wi sei fudi wi e pristeri wan owru buku fu na Genootschap fu wan bijdrage fu Sf 1,50. Den owru publikatie disi e ferteri fu difrenti sortu tori, di wantu fu den sondro degedege sa taki nanga na ati fu sma na ini wi gebied. Den publikatie disi sori na waarde fu den kaba fudi furu sma kisi yepi kaba fu du wan sani na tapu na bun nyunsu. Sobun wi e kisi dek’ati fu span wi srefi krakti makandra fu poti den owru buku di na gemeente abi ete na ini kasi na ini anu fu sma di abi belangstelling èn di wi kan gi yepi fu go na tapu na pasi fu libi.
6 Akruderi den instructie fu Wi Kownukondredienst fu december 1988 dan den owruman sa sorgu dati den owru buku di ben druk na tapu papira di abi udu na ini, sa de fu kisi alaten doro.
7 Sorgu fu skrifi sani bun tapu na oso-fu-oso-rapport. Omoro wi e wroko wi gebied, disi e tron moro prenspari. Efu wi feni belangstelling, dan proberi fu kon sabi na nen fu na sma. Skrifi ala sani di yu gi den èn ooktu na belangstelling di den sori di na bukupristeri no ben teki. Skrifi na tori fu san yu taki, san, leki fa a ben sori ben abi na sma en belangstelling èn na tapu sortu ten moro furu a sa de na oso. Hori ooktu wan soifri bericht fu den adres pe nowan sma ben de na oso. Bun orga ini a tori disi sa yepi dati yu sa meki moro froktu ini na diniwroko.
8 Gi yesi na den tu moro bigi gebod no de moro mendri prenspari gi kristen ini a ten disi, leki a ben de na ini na fosi yarhondro. Meki a de so na ini na mun maart, dati wi e feti na baka fu sori wi lobi na Gado èn den sma na wi sei fudi wi e meki Yehovah kownukondre bekenti na ibri okasi.