Na tori fu takimakandra
1 Wi Kownukondredienst fu yuni 1977 ben kon nanga a rubriek „Tori fu takimakandra” èn ben gi ray gi wan tumusi bun kobroyki fu en. Wi alamala ini den twarfu yari di psa ben nyanbun fu den rubriek disi. Furu sma ben kisi yepi nanga en fu pristeri na bun nyunsu moro betre.
2 Ini den tu yari di psa dan ibri dri ofu fo mun wan nyun Tori fu takimakandra ben kon. Ini na ten di e kon Wi Kownukondredienst sa kenki na Tori fu takimakandra di ben presenteri moro furu tron. Moro furu ibri yuru te na buku pristeri e kenki, wan tra tori sa de. Disi sa yepi wi fu abra moro grati fu wi i beybri takimakandra go na a bukupristeri. A sa tyari moro kenki tu ini wi diniwroko.
WAN HERI TRA TORI FU TAKIMAKANDRA
3 Fu taki en leki fa wi gwenti yu sa si taki na Tori fu takimakandra di na a bigin den ben gi leki ray kan kobroyki na ibri doro. Ma no wan sma musu draydray fu fiti en ofu fu kobroyki wan tra tori efu a gersi taki dati abi winimarki. A no de fu taki taki a kan de wan bun sani taki, te yu e leri nyunwan ofu yonguwan fu hori yu srefi finifini na a Tori fu takimakandra di den ben presenteri.
4 Den pionier so bun leki ala den wan di e wroko den kontren furu tron, sondro tweyfri sa feni en wan bun sani fu kobroyki difrenti fasi na tapu na tori di den ben presenteri. Fu meki a no de so taki den e hori den takimakandra fu den so leki den gwenti nomo. Difrenti omstandigheden kan meki a de wan bun ray fu kobroyki wawan leysi wan tra tori leki di den gi leki ray ini Wi Kownukondredienst.
FONTEN FU TAKIMAKANDRA
5 Te wi firi na fanowdu fu tyari moro difrenti ini a Tori fu takimakandra fu pe wi kan feni tra ideya dan fu kobroyki? Fositen uitgave fu Wi Kownukondredienst sa de wan bun sani. Na publikâsi di den ben pristeri, kan kobroyki tu leki wan fonten pe na Tori fu takimakandra fu yu komoto. Suku wan prenki, wan beybritekst ofu na nen fu wan kapitri èn du wan syatu pristeri fu wiki na belangstelling. Pruberi fu poti na buku ini na anu fu na leysiman fu na ten di e kon, so taki en srefi sa luku en. Yu sa fruwondru o kumakriki a de fu prati wan sani na so wan fasi. Bakaten te yu e tyari na gobaka yu sa kan taki en moro fini. Hori na fosi Pristeri so bun pikinso syatu.
6 Wi alamala musu tan aksi Yehovah fu „na tongo fu den wan di kisi leri”, so taki a sa sabi fa fu leri den wan di wi e miti ini wi gebied (Yes. 50:4). A de wi opregti winsi fu kobroyki na Tori fu takimakandra na wan tumusi bun fasi. Libi de ini kofar. — 1 Tim. 4:16.