Aksi boksoe

◼ Fa wi kan gi piki di abi den moro boen bakapisi na den konmakandra?

Wi e loekoe go na fesi nanga faja foe kon makandra tapoe den alawiki gemeente konmakandra. Drape wi abi wan okasi foe sori wi bribi èn foe gi trawan deki-ati nanga a piki di di wi e gi (Odo 20:15; Hebr. 10:23, 24). Wi sa moesoe si a gi di wi e gi piki leki wan grani èn wi moesoe meki tranga moeiti foe abi wan prati doronomo. Fa wi kan doe disi èn kisi a moro boen bakapisi?

A di foe fosi stap na a sreka di joe e sreka joesrefi. A de prenspari foe leisi èn prakseri foe a materiaal na fesi. Proeberi foe froestan san a materiaal di den e pristeri wani taki troetroe. Ala di den ben taki kaba foe a tori na ini a ten di pasa kande, tokoe loekoe foe moro finifini bodoi noso den moro njoen fasi foe si sani foe den penti di den brada tjari kon na fesi. Hori a thema foe a materiaal na prakseri. Te wi e sreka den piki foe wan poeblikâsi di e taki foe wan dipi studie foe wan bijbelboekoe soleki na Openbaring-boekoe, dan proeberi foe si san wan spesroetoe vers abi foe doe nanga den vers di de lontoe en. Te joe e gebroiki den rai disi, dan a sa meki a bekwaamfasi foe a man di joe man prakseri sani, go moro na fesi. A sa jepi joe foe sreka boen piki èn foe feni prisiri na ini a prati di joe abi.

Den moro boen piki na sjatoe piki, di makriki foe taki èn di abi den gron tapoe a poeblikâsi di den e studeri. A fosi sma di e gi piki sa moesoe piki na aksi sondro draidrai, èn na so wan fasi a e libi tra penti gi tra sma di wani taki moro sani. Soekoe foe no gi langabere piki di e njan toemoesi foeroe ten, èn e meki taki trawan no kan abi wan prati. Taki nanga joe eigi wortoe na presi foe leisi wan piki wan-froe-wan foe a poeblikâsi. Piki di e jepi foe froestan a sani, ben kan abi penti na ini di taki foeroe foe den tekst di ben skrifi. Arki boen san tra sma e taki, so taki joe no abi foe taki a srefi sani baka di no de fanowdoe.

A boen foe opo joe anoe wan toe leisi, ma no tapoe ibri paragraaf. Wi e gi jongoewan a kari foe gi piki. Efoe joe e tweifri foe gi piki, dan joe kan meki a studieleider sabi na fesi tapoe sortoe paragraaf joe ben sa wani gi piki èn kande a sa man foe gi joe na okasi foe doe dati.

Wi alamala moesoe meki opregti moeiti foe abi wan prati na den gemeente konmakandra, di abi foe doe nanga a piki di den wan di de tapoe a konmakandra e gi piki. Memre taki, a boen bakapisi foe den sortoe konmakandra disi e anga foeroe foe a de di wi de klariklari foe gi piki, èn a boen bakapisi di den piki foe wi abi.​—Ps. 26:12.