¿Yu E Froisi?
Te a piki na tapu na aksi dati na iya, dan furu sani de di yu nanga tra sma musu bigin du. Te yu e du den prenspari stap di kari na ondrosei, dan yu sa man seti yusrefi heri esi na ini yu nyun gemeente.
(1) Te yu sabi kaba pe yu e froisi go, dan a gemeente sekretarsi di yu abi now ete kande sa man feni na adres fu a Kownukondre zaal fu yu nyun gemeente. Te yu doro na ini a kontren dati, dan suku a zaal wantewante èn kon sabi den ten fu den gemeente konmakandra. Efu moro leki wán gemeente e gebroiki a Kownukondre zaal, dan aksi den owruman fu fruteri yu na ini a gebied fu sortu gemeente yu e libi. No draidrai fu fisiti den konmakandra èn fu kon sabi den owruman fu a gemeente.
(2) Den sekretarsi fu a gemeente pe yu de na ini ete èn fu a nyun gemeente sa wroko makandra fu seni den Gemeente Preikiman Karta fu yu nanga yu osofamiri go na a nyun gemeente. Wan brifi di e taki suma na yu, sa seni go tu na den owruman fu yu nyun gemeente. (Luku Wi Kownukondre Dienst fu maart 1991, Aksi Boksu.) A Gemeente Dienst Komte drape sa taigi yu bukustudie-leider taki yu doro, so taki a kan meki kontakti nanga yu èn yepi yu fu feni yu nyun bukustudie grupu.—Rom. 15:7.
(3) Ala preikiman na ini yu nyun gemeente abi wan prenspari frantiwortu — taki den musu kon sabi yu èn meki taki yu e firi switi na ini a gemeente. (Teki gersi 3 Johanes 8.) Ma dati wani taki dati yu musu de na den konmakandra so taki yu kan abi demakandra nanga yu brada nanga sisa fu gi makandra deki-ati èn tranga.
(4) Yu no musu wakti teleki ala sani du kaba fu froisi, bifo yu e go na ini a velddienst nanga yu nyun gemeente. Te yu e poti Kownukondre afersi na a fosi presi, dan yu sa kisi den tra sani tu, èn yu sa firi switi na ini yu nyun kontren (Mat. 6:33). Te yu seti kaba na ini yu nyun oso, dan kande yu wani kari wan tu sma fu a gemeente fu fisiti yu fu kon sabi den moro betre.—Rom. 12:13b.
Na wan bigi wroko fu froisi. Ma te ibriwan sma di abi fu du nanga dati e du san wi rikomanderi, dan den no sa go na baka na yeye fasi. Ala sma sa lobi a lobi-ati Kresten bradafasi fu wi.