Fu san ede wi lobi a bradafasi fu wi na heri grontapu
Fa wi kan tan sori tranga lobi gi den brada nanga sisa fu wi na yeye fasi na ini wan grontapu pe lobi no de? (1 Petr. 2:17) Fa wi kan sori trawan taki a bradafasi fu wi na heri grontapu na wan sani di de trutru? (Mat. 23:8) Wi kan du disi nanga yepi fu a video Onze gehele gemeenschap van broeders (A bradafasi fu wi na heri grontapu). A video disi e sori fu san ede wi lobi makandra. Luku efu yu kan piki den aksi di e kon now:
(1) San na den dri sani di wi e du makandra nanga a bradafasi fu wi na heri grontapu? (2) Fa den brada fu wi e sori taki den abi a fasti bosroiti fu preiki (a) na ini den kontren fu Alaska, (b) na ini den bigi lanpresi fu Europa, èn (c) na ini den bigi busi fu Peru? (3) San na wan yepisani di wi man gebroiki heri bun fu gi kotoigi? (4) Fu san ede wi no musu prakseri noiti taki a preikiwroko de leki iniwan tra wroko di wi e du? (5) Gi wan tu eksempre di e sori fa Yehovah Kotoigi ben trowstu makandra èn ben yepi makandra na ini ten fu nowtu, soleki gronseki, bigi winti di e pori sani èn borgufeti. (Luku den sani di Takao e fruteri na tapu bladzijde 23 na ini Ontwaakt! fu 22 augustus 1995 èn san Kotoyo e taki na tapu bladzijde 20 na ini Ontwaakt! fu 22 oktober 1996.) (6) San wi alamala kan du fu sori a prenspari marki fu a Kresten bradafasi fu wi? (Yoh. 13:35) (7) O prenspari den gemeente konmakandra musu de gi wi? (8) Fa den brada di fosi no ben abi wan Kownukondre zaal pe den ben man kon makandra, kisi wini fu di den abi wan now? (9) Fa den brada fu wi di de na ini Owstu-Europa èn na ini Rosiakondre ben man horidoro ala di a wroko fu den ben tapu? (10) Sortu tranga muiti furu Kotoigi e meki te now ete fu go na den kongres, èn fu san ede den e du dati? Fa na eksempre fu den ben gi yu deki-ati? (11) Fu san ede yu abi a fasti bosroiti fu anbegi Gado makandra ini wánfasi? Fu san ede yu abi a fasti bosroiti fu yepi trawan te den de na ini nowtu, èn fu tan preiki getrow awinsi o pe èn awinsi fa yu man du dati? (12) Fu san ede a ben sa bun fu abi wán fu den video disi gi yusrefi? Fu san ede a ben sa bun fu sori en na furu sma di wani sabi moro fu Bijbel?