Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 1/07 blz. 4
  • Yu sreka yusrefi gi rampu?

Felem no de na a pisi disi.

Sorry, wan sani no go bun di wi pruberi fu drai a felem.

  • Yu sreka yusrefi gi rampu?
  • Wi Kownukondre diniwroko 2007
  • A srefi sortu tori
  • Yu de srekasreka?
    Wi Kresten libi nanga a preikiwroko—Studie-buku—2020
  • Yepi trawan fu horidoro na ini muilek ten
    A Waktitoren—A e taki fu Yehovah Kownukondre (Studie-Waktitoren)—2022
  • Aksi boksoe
    Wi Kownukondre diniwroko 1997
  • San Bijbel e taki fu den rampu di e miti libisma?
    Piki tapu aksi fu Bijbel
Moro sani
Wi Kownukondre diniwroko 2007
km 1/07 blz. 4

Yu sreka yusrefi gi rampu?

1. Fu san ede a de wan koni sani fu sreka wisrefi gi rampu?

1 Ibri yari, milyunmilyun sma na grontapu, sosrefi wi brada nanga sisa e kisi fu du nanga gronseki, bigi skwala, hebi sibibusi, drai winti nanga frudu. Rampu e pasa sondro taki wi e fruwakti dati, èn a kan miti wi alamala. Fu dati ede a de wan koni sani fu sreka sani na fesi.—Odo 21:5.

2. Fu san ede wi musu taigi den owruman pe wi e tan èn san na a telefon-nomru fu wi?

2 Sreka sani na fesi: Son leisi lanti kan warskow sma gi wan rampu di de fu kon. A de prenspari fu gi yesi na den warskow disi (Odo 22:3). Na ini den situwâsi disi den owruman sa meki muiti fu meki kontakti nanga ala sma fu a gemeente fu yepi den fu sreka sani di de fanowdu. Baka te wan rampu pasa, dan den owruman sa du muiti tu fu meki kontakti nanga ala sma fu a gemeente fu luku fa a e go nanga den èn fu luku efu den abi yepi fanowdu. Den owruman kan lasi wan lo ten efu den no abi den yoisti adres nanga telefon-nomru fu den sma disi. Fu dati ede a bun taki preikiman taigi a sekretarsi nanga a bukustudie-opziener pe den e tan èn san na a telefon-nomru fu den.

3. Fa wi kan wroko makandra nanga den owruman, te wi e libi na ini wan kontren pe rampu e pasa makriki?

3 Efu a gemeente de na ini wan kontren pe rampu e pasa makriki, dan den owruman kan aksi den preikiman a nen nanga a telefon-nomru fu wan famiriman noso mati di no e libi na ini a kontren fu den, èn di den kan kontakti te wan rampu de. Disi sa yepi den owruman fu feni den sma di ben musu froisi gowe. Kande den owruman kan skrifi na tapu papira san a gemeente o du te wan rampu de. Den kan skrifi san na den moro prenspari sani di ibri sma musu abi te wan rampu miti den, a fasi fa den o froisi den preikiman di e libi na ini a kontren pe a rampu pasa, èn a fasi fa den o yepi den sma di abi spesrutu yepi fanowdu. A de wan prenspari sani fu wroko makandra nanga den sani disi di seti na wan lobi-ati fasi.—Hebr. 13:17.

4. San wi musu du te wi e kisi fu du nanga wan rampu na ini wi kontren?

4 Baka wan rampu: San yu musu du te yu e kisi fu du nanga wan rampu na ini yu kontren? Sorgu taki yu osofamiri abi ala den prenspari sani di den abi fanowdu na skinfasi. Efu yu man, yepi tra sma tu di de na nowtu. Yu musu meki kontakti esi-esi nanga yu bukustudie-opziener, noso nanga wan tra owruman. Yu musu du disi srefi te noti pasa nanga yu èn srefi te yu no abi yepi fanowdu. Efu yu abi yepi fanowdu, dan yu kan de seiker taki den brada e du ala san den man fu gi yu a yepi dati (1 Kor. 13:4, 7). Hori na prakseri taki Yehovah sabi a situwâsi fu yu; frutrow na en tapu taki a sa yepi yu (Ps. 37:39; 62:8). De na ai fu yepi trawan na yeye fasi èn fu trowstu den (2 Kor. 1:3, 4). So esi leki yu man, bigin du den sani di wi gwenti fu du leki Kresten.—Mat. 6:33.

5. Fa wi leki Kresten musu si den rampu di kan miti wi?

5 Aladi grontapu e frede moro nanga moro taki rampu o miti den, toku wi no abi fu frede. Heri esi nowan rampu sa de moro (Openb. 21:4). Ma nownow kaba, wi musu seti sani na wan fasi di fiti so taki wi kan de srekasreka te problema o miti wi, aladi wi e tan preiki a bun nyunsu gi trawan fayafaya.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma