Yu Kownukondre musu kon—Wan begi di milyunmilyun sma e begi
Oiti yu begi fu Gado Kownukondre kon? Na ini den hondrohondro yari di pasa, milyunmilyun sma kon abi a gwenti fu begi: „Yu kownukondre musu kon.” Fu san ede? Fu di na dati Yesus ben taigi den bakaman fu en fu du.
Na a bigin, den bakaman fu Yesus no ben frustan ala den sani di a ben taki fu a Kownukondre. Wan leisi den ben aksi en: „Masra, yu o seti a kownukondre baka gi Israel na ini a ten disi?” A kan taki den ben fruwondru taki Yesus no taigi den krin o ten Gado Kownukondre ben o kon (Tori fu den apostel 1:6, 7). A sani disi wani taki dati wi no man kon sabi san na Gado Kownukondre èn o ten a o kon? Nôno!
A Waktitoren disi o yepi yu fu feni a piki tapu den aksi disi:
Fu san ede wi abi Gado Kownukondre fanowdu?
Suma na a Kownu fu Gado Kownukondre?
O ten Gado Kownukondre o bigin tiri grontapu?
San Gado Kownukondre o du?
Fu san ede a bun fu horibaka gi Gado Kownukondre nownow kaba?
San na Gado Kownukondre?