Eksempre di yu kan gebroiki

Fa fu bigin Bijbelstudie tapu a fosi satra na ini december

„Yu denki taki sma di e pruberi fu gi yesi na Gado, de moro koloku? [Gi a sma na okasi fu piki.] Na artikel disi e taki fu wan tu moi tori.” Gi na ososma A Waktitoren fu 1 november. Leisi èn taki nanga en fu wan fu den tori di skrifi na ondro wan fu den ondro-edeprakseri na tapu bladzijde 16, 17. Leisi awansi wán fu den Bijbeltekst. Gi na ososma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 november

„Son sma e feni taki den sani di Bijbel e taki fu seks no de gi a ten disi èn den e tapu sma fu du san den wani. Trawan e agri nanga Bijbel. Fa yu e denki fu a tori? [Gi a sma na okasi fu piki.] Luku san a tekst disi e taki fu a sma di poti den markitiki disi na ini Bijbel. [Leisi 2 Timoteyus 3:16.] A tijdschrift disi e sori sortu piki Bijbel e gi tapu tin aksi di sma gwenti poti te a abi fu du nanga seks. A e tyari kon na krin tu fa den markitiki fu Bijbel e tyari wini kon gi wi.”

Ontwaakt! november

„Te wi ben o luku den sani na wi lontu nanga den sani na hemel, dan san dati e meki yu kon frustan? Yu denki taki wan Mekiman de, noso taki ala sani na wi lontu kon fu ensrefi? [Gi a sma na okasi fu piki.] Luku san wan Bijbel skrifiman kon si di a luku ala den sani na hemel nanga grontapu. [Leisi Romesma 1:20.] A tijdschrift disi e tyari kon na krin san sabiman kon si fu a libisma cel èn fa disi e tyari moro sani kon na krin ini a tori disi.”