Eksempre di yu kan gebroiki

Fa fu bigin Bijbelstudie tapu a fosi satra na ini yanuari

„Mi de seiker taki yu sa agri taki ala sma abi mati fanowdu. Sortu fasi yu feni taki wan mati musu abi? [Gi a sma na okasi fu piki.] Luku fa a tijdschrift disi e piki na aksi: Fu san ede wi musu luku bun suma wi e teki leki mati?” Gi na ososma A Waktitoren fu 1 december, èn taki fu wan fu den tori na a ondro edeprakseri na tapu bladzijde 16. Leisi sosrefi wán fu den tekst. Pristeri den tijdschrift, èn meki mofo fu go baka na en fu taki fu a piki tapu a tra aksi.

A Waktitoren 1 december

„Oiti yu aksi yusrefi fu san ede so furu rampu e pasa na ini a ten disi? [Gi a sma na okasi fu piki.] A moi fu sabi taki Bijbel ben taki na fesi dati wan ten ben o de te furu rampu ben o pasa. [Leisi Mateyus 24:7, 8.] A tijdschrift disi e piki den aksi disi: Fu san ede so furu rampu e pasa? Na Gado e strafu wi? Fu san ede wi kan bribi taki heri esi Gado o tyari wan kaba kon na ala rampu di e pasa?”

Ontwaakt! december

Leisi 2 Timoteyus 3:16. Baka dati yu kan taki: „Son sma e agri taki na Gado meki sma skrifi Bijbel, aladi trawan no e agri nanga dati. Fa yu e denki fu a tori? [Gi a sma na okasi fu piki.] Aladi sma e gi difrenti piki tapu na aksi dati, toku furu sma e agri taki trawan du furu muiti fu pori a buku disi moro leki iniwan tra buku. A tijdschrift disi e taki fu wan tu sani di sma du fu pori Bijbel èn fu tapu sma fu leisi en na ini den yarihondro di pasa. A e sori tu fu san ede sma no ben man pori en.”