Eksempre di yu kan gebroiki

Fa fu bigin Bijbelstudie tapu a fosi satra na ini yuni

„Yu feni taki kerki e yepi sma fu abi lobi gi makandra èn fu libi bun nanga makandra? Noso yu feni taki kerki e meki sma no lobi makandra èn taki den e meki sma feti nanga makandra? [Gi a sma na okasi fu piki.] Grantangi, meki mi sori yu wan moi sani di e taki fu a tori disi.” Gi na ososma A Waktitoren fu 1 mei èn taki fu den sani di skrifi na a fosi ondro-edeprakseri na tapu bladzijde 16. Leisi awansi wán fu den Bijbeltekst. Seti sani fu go baka na en fu taki fu a piki tapu a tra aksi.

A Waktitoren 1 mei

„Furu sma feni taki a de wan bun sani te kerki e bumui nanga politiek, ma tra sma feni taki kerki no musu moksi nanga politiek. Fa yu e denki fu a tori? [Gi a sma na okasi fu piki.] Luku san Yesus du di sma ben wani taki a musu go na ini politiek na ini a ten fu en. [Leisi Yohanes 6:15.] A tijdschrift disi e sori fu san ede Yesus du disi èn a e sori tu san na a moro bun fasi fa Kresten kan yepi sma na ini a birti fu den.”

Ontwaakt! mei

„Pikinmoro ala sma di wi miti e taki dati wan leisi sma no ben libi bun nanga den. Yu denki taki wan fasi de fu no meki kruktudu de moro? [Gi a sma na okasi fu piki.] Bijbel e taki dyaso taki wan tiriman o de di o meki taki kruktudu no de moro. [Leisi Psalm 72:11-14.] A tijdschrift disi e taki fu a pramisi di Bijbel e gi taki retidu o de na ini a ten di e kon.”