Eksempre di yu kan gebroiki

Fa fu bigin Bijbelstudie tapu a fosi satra na ini augustus

„Pikinmoro ala sma e begi. Srefi sma di no e bribi taki wan Gado de, ben begi di den ben de na ini problema. Yu denki taki Gado e arki ala begi?” Gi a sma na okasi fu piki. Sori a sma a lasti bladzijde fu A Waktitoren fu 1 augustus, èn taki fu den sani di skrifi na a fosi aksi èn sosrefi wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

Hori na prakseri: Yu musu hori a demonstrâsi disi na a preikiwroko konmakandra fu 3 augustus.

A Waktitoren 1 augustus

„Wi kon taki syatu nanga yu fu di furu sma e broko den ede taki na ala sei porno de fu feni. Ma furu tra sma feni taki porno no de wan ogri sani. San yu e denki? [Gi a sma na okasi fu piki.] Yesus ben taki dati wi kan si efu wan bon bun te wi e luku den froktu fu en. [Leisi Mateyus 7:17.] A tijdschrift disi e taki fu den froktu noso den takru bakapisi di porno e meki. A e sori tu fa wan sma kan tapu nanga a gwenti fu luku porno.”

Ontwaakt! augustus

„Furu fu wi wani libi bun langa. Yu denki taki den nyun sani di den koniman fu grontapu e meki, o man meki taki wi o man libi fu ala ten? [Gi a sma na okasi fu piki.] Luku a moi pramisi di skrifi na ini Bijbel. [Leisi 1 Korentesma 15:26.] Ma fa Gado o du disi? A o meki den koniman fu grontapu du dati, noso a o du en na wan tra fasi? Èn fu san ede wi e kon owru èn e dede? A tijdschrift disi e sori fa Bijbel e piki den aksi disi.”