Eksempre di yu kan gebroiki

Fa fu gi sma wan kari gi a Memrefesa

„Wi e gi sma wan kari fu kon na wan prenspari konmakandra. Tapu 14 april, milyunmilyun sma na heri grontapu o kon makandra fu memre a dede fu Yesus Krestes èn fu arki wan Bijbel lezing sondro fu pai. A lezing o sori wi sortu wini wi e kisi fu a dede fu Yesus. A kari disi e sori pe èn o lati a konmakandra o hori na ini yu birti.”

A Waktitoren 1 april

„Wi e go na sma fu taki syatu fu wan sani di furu sma gwenti du. Pikinmoro ala sma, awansi fu sortu kerki den de, begi wán leisi kaba. Yu denki taki Gado e piki den begi fu sma noso yu denki taki den begi e meki wi firi bun nomo? [Gi a sma na okasi fu piki.] Luku san Bijbel e taki fu begi. [Leisi 1 Yohanes 5:14.] A tijdschrift disi e sori fa begi kan yepi wi.”

Ontwaakt! april

„Wi kon na yu tide fu sori taki wan lusu de gi wan problema di furu sma abi. Son sma e firi brokosaka so te taki den wani kiri densrefi. Te wan sma e firi so, dan yu denki taki a sma wani dede trutru noso yu denki taki a wani wan lusu gi den problema fu en? [Gi a sma na okasi fu piki.] Luku a pramisi na ini Bijbel di yepi furu sma fu no lasi howpu. [Leisi Openbaring 21:3, 4.] A tijdschrift disi e taki fu dri sani di o yepi wan sma fu no wani dede, awansi a abi problema now.”