Eksempre di yu kan gebroiki

Pe wi kan feni piki tapu aksi fu a libi?

Gi na ososma a traktaat so taki a kan si a nen fu a traktaat, èn taigi en: „Fa a e go? Na heri grontapu wi e fruteri sma a prenspari boskopu disi. Disi na fu yu.”

Efu yu e libi a traktaat na den oso pe sma no de, dan yu musu poti en na so wan fasi taki tra sma no o si en. No fow en efu a no de fanowdu.

Efu na ososma wani sabi moro noso efu a wani taki, dan yu kan aksi en sortuwan fu den dri piki a ben o gi tapu na aksi na fesisei fu a traktaat. Opo a traktaat èn sori en san Psalm 119:144, 160 e taki. Taigi en taki a traktaat e kari wan website di o yepi en fu feni piki na ini Bijbel. Kande yu kan sori en a felem di nen Fu san ede wi musu studeri Bijbel? Fosi yu gowe, sori en den dri aksi di de na bakasei fu a traktaat èn aksi en tapu sortuwan fu den aksi a ben wani kisi piki. Aksi en efu yu kan kon baka na en fu sori en fa a kan feni a piki fu na aksi dati na tapu a jw.org website. Te yu go baka na en, dan taki nanga en fu a piki di de na a website na: BUKU NANGA TRA SANI > BUKU NANGA BROCHURE.

Efu yu e prati den papira tu fu gi sma wan kari gi a kongres, dan gi na ososma wan papira tu èn taigi en: „Boiti disi wi e gi yu wan kari tu fu kon na wi kongres, pe yu no abi fu pai.”

A Waktitoren 1 augustus

Tapu satra nanga sonde yu kan taki a sani disi tu fu A Waktitoren, efu a fiti: „Wi ben wani gi yu den nyun tijdschrift tu. A Waktitoren disi e piki na aksi ’Gado e broko en ede nanga yu?’”

Ontwaakt! augustus

Tapu satra nanga sonde yu kan taki a sani disi tu fu na Ontwaakt!, efu a fiti: „Wi ben wani gi yu den nyun tijdschrift tu. Na Ontwaakt! disi e piki na aksi ’Fa sma kan libi na ini freide nanga makandra?’”