Yehovah wani taki den futuboi fu en musu de klariklari fu wroko

Esra sreka sani fu drai go baka na Yerusalem

7:6, 22; 8:26, 27

• Esra kisi primisi fu Kownu Artakserkses fu drai go baka na Yerusalem èn fu yepi seti na anbegi fu Yehovah baka

• Kownu gi Esra „ala san a ben aksi” en gi na oso fu Yehovah. A gi en gowtu, solfru, aleisi, win, oli nanga sowtu di warti moro leki 100 milyun Euro

Esra ben abi a frutrow taki Yehovah o kibri den futuboi fu En

7:13; 8:21-23

• A no ben o makriki fu drai go baka na Yerusalem

• A pasi di den ben teki kande, ben langa sowan 1600 kilometer, na ini wan kontren pe ogri ben kan miti den

• A ben teki sowan 4 mun fu waka a pasi

• Den sma di drai go baka ben musu abi wan tranga bribi, faya gi a tru anbegi, èn deki-ati

ESRA BEN TYARI:

Gowtu nanga solfru di ben wegi moro leki 750 talenti (1 talenti = 34,2 kilo), noso sowan 3 bigi asaw fu Afrika!

SANI DI BEN MEKI EN MUILEK GI DEN:

Ogri-ati fufuruman, drei sabana, ogri meti