San Bijbel e leri?

Na ini september a Kresten libi nanga a preikiwroko Studie-buku o abi wan tra sortu eksempre gi a preikiwroko. A pisi disi o nen „San Bijbel e leri?”. A o yepi wi fu tyari wan spesrutu tori fu Bijbel kon na krin nanga yepi fu wan aksi nanga wan Bijbeltekst.

Efu wi si taki a sma wani sabi moro, wi kan libi wan buku gi en noso wi kan sori en wan felem fu jw.org. Wi musu du muiti fu go na a sma baka wan tu dei, so taki wi kan taki moro fara fu a tori. Den tori fu a pisi disi èn fu den prati di den studenti musu hori komoto fu a Bijbel leri-buku. Na ini a faki di de na a kaba fu den kapitel fu a buku tra tekst de di wi kan gebroiki te wi e tyari gobaka noso te wi e hori wan Bijbelstudie. Na so wi kan gebroiki Bijbel wawan fu tyari wan tori kon na krin.

Wán pasi nomo de di e tyari sma go na têgo libi (Mt 7:13, 14). Fu di wi e taki nanga sma fu difrenti kerki nanga kulturu, meki wi musu taki fu Bijbel tori di e hari a prakseri fu ibriwan fu den (1Ti 2:4). Te wi kon sabi moro bun fa fu taki fu difrenti Bijbel tori èn te wi sabi moro bun fa fu „gebroiki a tru leri na ini Gado wortu na wan yoisti fasi”, dan wi o abi moro prisiri na ini a preikiwroko èn wi o abi moro bun bakapisi.​—2Ti 2:15.