„Frutrow tapu Yehovah nanga yu heri ati”

Wi kan frutrow tapu Yehovah nanga wi heri ati. Te wi e prakseri san a nen fu en wani taki, dan wi o abi na overtoigi taki ala den sani di a pramisi o kon tru. Efu wi wani abi moro frutrow na ini Yehovah, dan a prenspari fu begi. Odo kapitel 3 e gi wi a dyaranti taki efu wi e frutrow tapu Yehovah, a o ’meki wi pasi kon reti’.

Wan sma di denki taki a koni . . .

3:5-7

• e teki bosroiti sondro fu suku rai na Yehovah

• e frutrow tapu en eigi denki noso tapu a denki fu grontapusma

Wan sma di e frutrow tapu Yehovah . . .

• e du muiti fu tron wan moro bun mati fu en. Dati meki a e studeri Bijbel, a e prakseri fu den sani di a leri èn a e begi doronomo

• e suku rai na en. Dati meki a e luku san Bijbel e taki, fosi a teki wan bosroiti