No frigiti fu begi gi Kresten di sma e frufolgu

Bijbel ben taki na fesi dati Satan ben o pruberi fu gens a preikiwroko fu wi (Yoh 15:20; Opb 12:17). Fa wi kan yepi wi brada nanga sisa di e kisi gens na ini tra kondre? Wi kan begi gi den. „A fayafaya begi fu wan reti-ati sma abi furu krakti èn a abi bun bakapisi.”​—Yak 5:16.

San wi kan begi Yehovah? Wi kan aksi en fu gi wi brada nanga sisa deki-ati èn fu yepi den fu no frede (Yes 41:10-13). Wi kan begi tu gi den tiriman so taki den no gens a preikiwroko. Na so fasi „wi kan libi wan tiri libi sondro dyugudyugu”.​—1Ti 2:1, 2.

Di sma ben e frufolgu Paulus nanga Petrus, den brada nanga sisa begi gi den. Den kari den na den nen (Tor 12:5; Ro 15:30, 31). Awinsi wi no sabi a nen fu ala den wan di e kisi frufolgu now, te wi e begi, wi kan kari a nen fu a gemeente, a kondre noso a presi pe den e libi.

Skrifi den nen fu den kondre pe Kresten e kisi frufolgu. Begi gi den Kresten dati.