„San Gado tyari kon na wán . . .”

A Wet di Gado gi Moses ben e sori taki wan man di ben wani broko trow, ben musu gi en wefi wan papira di e sori taki en masra seni en gowe. A sani disi no ben e gi sma okasi fu broko trow makriki. Ma na ini a ten fu Yesus, den kerki fesiman ben e meki en makriki gi sma fu broko trow gi iniwan pikinpikin sani (ete wan tu sani na Mr 10:4, 11, nwtsty ’wan papira di e sori taki a masra seni en wefi gow’, ’man broko trow nanga en wefi’, ’dan a du sutadu’). Yesus sori taki Yehovah seti a trowlibi fu di a ben feni en bun (Mr 10:2-12). Wan masra nanga en wefi ben musu tron „wán skin” fu ala ten. Bijbel e sori taki wan man nanga en wefi mag broko trow soso te wan fu den patna du „hurudu”, soleki fa wi kan leisi dati na ini a buku Mateyus di e taki fu a srefi tori.​—Mt 19:9.

Na ini a ten disi, furu sma no e si a trowlibi leki fa Yesus e si en, ma leki fa den Fariseiman ben e si en. Te problema e opo kon, dan grontapusma de gaw fu broko trow. Kresten trowpaar e si en leki wan seryusu sani fu hori densrefi na a pramisi di den meki di den trow èn fu du muiti fu gi yesi na den rai fu Bijbel te problema e miti den. Luku a felem Lobi nanga lespeki e tyari osofamiri kon na wán, èn baka dati piki den aksi disi:

• 

  Fa yu kan fiti Odo 15:1 na ini yu trowlibi, èn fu san ede disi prenspari?

• Te yu e du san Odo 19:11 e taki, dan fa dati o yepi yu fu wai pasi gi problema?

• Te yu e si taki sani no e waka bun na ini yu trowlibi, dan san yu musu aksi yusrefi, na presi fu denki: ’Mi musu broko trow?’

• Fa mi kan tron wan moro bun masra noso wan moro bun wefi te mi e du san Mateyus 7:12 e taki?