Fa yu o sreka yusrefi gi a Memrefesa?

Bigin nanga a yari disi wi o abi moro ten fu sreka gi a Memrefesa fu a dede fu Krestes. Te a Memrefesa o hori mindriwiki, dan wi no o hori Wi Kresten libi nanga a preikiwroko konmakandra fu a wiki dati. Te a o fadon tapu wan satra noso wan sonde, dan a Publikitaki nanga a Waktitoren-studie no o hori. Fa yu o gebroiki a ten dati? Neleki fa sani ben musu seti na ini owruten fu hori a prenspari fesa disi, na so sani musu seti tu na ini a ten disi (Lu 22:7-13; km 3/15 1). Ma wi alamala musu sreka wi ati gi a fesa disi. Fa wi kan du dati?

• Denki fu san ede a prenspari fu de drape.​—1Kor 11:23-26

• Begi èn denki dipi fu a matifasi fu yu nanga Yehovah.​—1Kor 11:27-29; 2Kor 13:5

• Leisi den Bijbeltekst nanga den artikel di e sori fu san ede wi e hori a Memrefesa.​—Yoh 3:16; 15:13

Son preikiman e leisi èn e denki dipi fu den pisi fu Bijbel na ini wi deitekst buku, di wi musu leisi gi a Memrefesa. Trawan e leisi den Bijbeltekst na ini a faki na ini na artikel disi. Tra sma e leisi Waktitoren artikel baka di e taki fu a Memrefesa èn fu a lobi di Yehovah nanga Yesus sori wi. Awansi san yu e studeri, meki den sani dati yepi yu fu kon moro krosibei na Yehovah nanga en Manpikin.