A wroko di wi e du fu yepi sma di de na nowtu

8:1-4; 9:7

Wi leki Kresten abi „a wroko fu fruteri sma fa den kan kon bun baka nanga [Gado]”. Dati wani taki dati wi e preiki èn e gi sma leri. Ma wi abi a wroko tu „fu yepi” wi Kresten brada nanga sisa di de na nowtu (2Kor 5:18-20; 8:4). Sobun, te wi e yepi den wan di de na nowtu, dan wi e du santa diniwroko tu. Fa wi brada nanga sisa e kisi wini te wi e yepi den na a fasi disi?

• Wi e sorgu taki wi brada nanga sisa kisi den sani di den abi fanowdu.​—2Kor 9:12a

• Wi e yepi den fu du den sani baka di den ben gwenti du gi Yehovah. Te den man studeri baka, te den man go na den konmakandra, èn te den man teki prati fayafaya na a preikiwroko, dan den kan sori Yehovah taki den de nanga tangi gi den sani di a du gi den.​—2Kor 9:12b

• Wi e gi Yehovah glori (2Kor 9:13). Te wi e yepi tra Kotoigi di de na nowtu, dan tra sma, sosrefi den wan di e denki takru fu wi, e si fa a pipel fu Yehovah de