Fa Yehovah ben o feni en?

Fosi wi teki wan bosroiti, awinsi na wan pikinwan noso wan bigiwan, wi e aksi wisrefi: ’Fa Yehovah ben o feni en?’ Aladi noiti wi o sabi finifini fa Yehovah e denki, toku a Wortu fu en e leri wi nofo sani di kan yepi wi fu „de srekasreka fu du ibri bun wroko” (2Ti 3:16, 17; Ro 11:33, 34). Yesus ben e frustan heri bun san na a wani fu Yehovah èn dati ben de a moro prenspari sani na ini en libi (Yoh 4:34). Neleki Yesus wi musu du ala san wi man fu teki bosroiti di Yehovah feni bun.​—Yoh 8:28, 29; Ef 5:15-17.

LUKU A FELEM TAN DU MUITI FU FRUSTAN SAN NA A WANI FU YEHOVAH (LE 19:18). BAKA DATI PIKI DEN AKSI DISI:

• Fu san ede wi musu hori wisrefi na Bijbel gronprakseri?

• Sortu Bijbel gronprakseri kan yepi wi te wi musu bosroiti sortu poku wi o arki?

• Sortu Bijbel gronprakseri kan yepi wi te wi musu bosroiti sortu krosi wi o weri èn fa wi o meki modo?

• Na ini sortu tra situwâsi wi musu hori wisrefi na Bijbel gronprakseri?

• San o yepi wi fu kon sabi moro bun san na a wani fu Yehovah?