Yehovah lobi sma di krin

„Wasi yu anu. Krin na oso. Sibi a gron. Trowe a doti.” Furu papa nanga mama e leri den pikin fu den fa den kan tan krin. Ma den gronprakseri di e sori taki wi musu de krin e kon fu a santa Gado fu wi (Eks 30:18-20; De 23:14; 2Kor 7:1). Te wi e sorgu taki wi skin nanga den sani di wi abi e tan krin, dan wi e gi Yehovah grani (1Pe 1:14-16). Fa a de nanga wi oso nanga tra presi pe wi de? Sma na grontapu e trowe doti na strati èn na tra presi pe sma e go koiri. Ma tru Kresten e du muiti fu hori grontapu krin (Ps 115:16; Opb 11:18). San wi e du nanga snoep papira, soft batra nanga kauwgum? Srefi te a abi fu du nanga den pikinpikin sani disi wi kan sori taki wi krin. Na ini ala san wi e du wi wani „sori taki wi na dinari fu Gado”.​—2Kor 6:3, 4.

LUKU A FELEM GADO LOBI SMA DI KRIN. BAKA DATI, PIKI DEN AKSI DISI:

• Fu san ede son sma feni taki den no abi fu sorgu taki den sani di den abi tan krin?

• Fa Yehovah e denki fu krinfasi te wi e luku a Wet fu Moses?

• Fa wi kan prèise Yehovah sondro fu taki wan sani?