Tanapu kánkan bika a kaba de krosibei

FU SAN EDE A PRENSPARI: Heri esi sani o pasa pe wi o abi fu sori deki-ati èn wi o abi fu frutrow moro tapu Yehovah. A bigi banawtu o bigin te falsi kerki o kisi pori (Mt 24:21; Opb 17:16, 17). A kan taki wi o abi fu prati wan krutuboskopu na a muilek pisi ten dati (Opb 16:21). Gok fu Magok o kon fu feti nanga wi (Ese 38:10-12, 14-16). Te den o du dati, dan Yehovah o opo feti gi wi. Na so „a feti na a bigi dei fu Gado na Almaktiwan” o bigin (Opb 16:14, 16). Sobun, nownow kaba wi musu suku fu abi wan tranga bribi te wi e kisi tesi.

FA FU DU DATI:

• Abi deki-ati èn libi soleki fa Yehovah wani.​—Yes 5:20

• Tan kon makandra nanga wi brada nanga sisa fu anbegi Yehovah.​—Heb 10:24, 25

• No draidrai fu fiti den rai di Yehovah e gi nanga yepi fu en organisâsi.​—Heb 13:17

• Denki dipi fu a fasi fa Yehovah kibri en pipel na ini a ten di pasa.​—2Pe 2:9

• Begi Yehovah èn frutrow na en tapu.​—Ps 112:7, 8

LUKU A FELEM WI O ABI DEKI-ATI FANOWDU​—WAN SYATU PISI. BAKA DATI PIKI DEN AKSI DISI:

• 

  Sortu tesi den preikiman ben kisi di sani ben seti fu prati a gemeente èn fa den sori taki den gi yesi?

• 

  Te wi e gi yesi, dan fa dati e sori taki wi abi deki-ati?

• 

  Fu san ede wi o abi deki-ati fanowdu fu pasa Armagedon?

• 

  Sortu tori na ini Bijbel kan tranga a bribi fu wi taki Yehovah man kibri en pipel?​—2Kr 20:1-24