Luku bun taki yu no e panya leitori

Na ini a ten disi, nyunsu kan panya esi-esi go na milyunmilyun sma nanga yepi fu kranti, radio, telefisi nanga Internet. Den wan di e anbegi „a Gado di no e fruteri lei” no wani prati falsi nyunsu, awinsi den no ben sabi taki a tori no tru (Ps 31:5; Eks 23:1). Leitori di sma e fruteri kan tyari bigi problema kon. Te yu wani sabi efu wan tori tru, dan aksi yusrefi:

• ’A nyunsu de fu frutrow?’ A kan taki a sma di fruteri a tori no sabi fa a tori de trutru. Te sma e fruteri trawan wan tori, dan furu tron den e kenki sani. Fu dati ede wi musu luku bun efu wi no sabi fu pe wan tori komoto. Fu di den wan di e teki fesi ini a gemeente na sma di de fu frutrow, meki den musu ondrosuku efu wan tori tru fosi den prati en

• ’A nyunsu disi o pori wan sma nen?’ Efu a tori di yu yere o meki taki sma denki takru fu wan sma noso wan grupu fu sma, dan a moro bun fu no taki fu en.​—Odo 18:8; Fp 4:8

• ’A tori disi tru?’ Luku bun nanga den span tori di sma e fruteri

LUKU A FELEM FA MI KAN SORGU TAKI MI NO E TAKI SMA TORI? BAKA DATI, PIKI DEN AKSI DISI:

• 

  Soleki fa Odo 12:18 e taki, dan san wortu kan du?

• 

  Fa Filipisma 2:4 e yepi wi fu luku bun nanga san wi e taki?

• 

  San wi musu du te sma e bigin taki ogri fu trawan noso te den e spotu den?

• 

  San wi musu aksi wisrefi fosi wi bigin taki wan sani fu wan sma?