Yu de klariklari fu go na a Skoro gi Kownukondre preikiman?

Yu doro 23 yari kaba èn yu no pasa 65 yari ete? Yu de ini a furuten diniwroko? Yu abi wan bun gosontu èn yu de klariklari fu dini na wan presi pe moro yepi de fanowdu? Efu den piki fu yu na iya, dan yu prakseri kaba fu go na a Skoro gi Kownukondre preikiman? Sensi di a skoro disi bigin, dusundusun trowpaar èn brada nanga sisa di no trow go na a skoro disi. Toku wi abi moro brada fanowdu fu go na a skoro disi. Aksi Yehovah fu gi yu na angri fu du en wani èn fu teki na eksempre fu en Manpikin (Ps 40:8; Mt 20:28; Heb 10:7). Baka dati luku san yu kan du fu meki moro ten fu kan du moro na ini a diniwroko.

Fa na organisâsi ben man gebroiki den brada nanga sisa di go na a skoro disi? Sonwan fu den go dini na presi pe sma e taki wan tra tongo noso na presi pe furu sma de. Sonwan e dini leki kring-opziener noso den e teki presi gi en èn trawan e dini leki zendeling na ini a preikiwroko. Te yu e prakseri fu den sani di yu kan du gi Yehovah, dan abi a srefi denki leki Yesaya di ben taki: „Dya mi de! Seni mi.”​—Yes 6:8.

LUKU A FELEM ZENDELING​—WROKOMAN NA INI A KOTIWROKO. BAKA DATI, PIKI DEN AKSI DISI:

• 

  Fa den brada e luku suma kan dini leki zendeling na ini a preikiwroko?

• 

  Sortu wroko den zendeling na ini a preikiwroko e du?

• 

  San na wan tu blesi di den zendeling disi e kisi?