O fara yu de fu teki dopu?
WI KRESTEN LIBI
Teki a bosroiti fu dini Yehovah
Efu yu na wan yongu preikiman noso efu yu na wan sma di e studeri Bijbel, dan yu poti en leki marki kaba fu dopu? Fu san ede yu musu wani teki dopu? Te wi gi wisrefi abra na Gado èn teki dopu, dan dati na a bigin fu wan spesrutu matifasi nanga Yehovah (Ps 91:1). A kan meki tu taki wi kisi frulusu (1Pe 3:21). Fa yu kan sreka yusrefi fu dopu?
Overtoigi yusrefi taki disi na a tru bribi. Efu yu sidon nanga wan aksi, dan go ondrosuku sani fu kan kisi piki (Ro 12:2). Luku sortu kenki yu musu tyari kon na ini yu libi. Te yu e tyari kenki kon, dan du dati fu di yu wani plisi Yehovah (Odo 27:11; Ef 4:23, 24). Begi en ala ten fu yepi yu. Yu kan de seiker taki Yehovah o yepi yu èn a o horibaka gi yu nanga yepi fu en santa yeye (1Pe 5:10, 11). Yu o kisi wini fu den muiti di yu o meki. Fu dini Yehovah na a moro bun sani di yu kan du na ini yu libi!—Ps 16:11.
LUKU A FELEM SAN YU MUSU DU FU KAN DOPU. BAKA DATI PIKI DEN AKSI DISI:
San ben meki en muilek gi son sma fu teki dopu?
Fa yu kan meki yu bribi kon tranga fu man gi yusrefi abra na Yehovah?
San ben yepi son sma fu doro den marki fu teki dopu?
Fa Yehovah e blesi den wan di teki a bosroiti fu dini en?
San a wani taki fu gi yusrefi abra èn fu dopu?