GUDU NA INI GADO WORTU

Yehovah e orga en pipel

[Prei a felem Wan tu sani fu a buku Numeri.]

Den Israelsma ben musu seti den kampu na ini grupu fu dri lo (Nu 1:52, 53; w94 1/12 12 ¶4)

A kampu fu den Israelsma ben abi moro leki 3.000.000 sma (Nu 2:32, 33; it-2-O 24 ¶1)

Yehovah wani taki en pipel anbegi en na wan orga fasi. Na so a ben de na ini a ten fu den Israelsma èn na dati a e fruwakti fu wi na ini a ten disi tu.—1Kor 14:33, 40.

A fasi fa a kampu fu Israel ben seti. A tabernakel de na mindri. Krosibei fu a tabernakel yu abi den famiri fu a lo fu den Leifisma: A famiri fu Aron de na owstusei, den Kehatsma de na zuidsei, den Gersonsma de na westsei èn den Merarisma de na noordsei. Den twarfu lo fu Israel de moro fara. Na owstusei yu abi den lo fu Isaskar, Yuda, nanga Seibulon. Na zuidsei yu abi den lo fu Gad, Ruben, nanga Simeon. Na westsei yu abi den lo fu Benyamin, Efrayim, nanga Manase. Na noordsei yu abi den lo fu Naftali, Dan, nanga Aser.

AKSI YUSREFI: ’Fa mi kan sori taki mi e horibaka gi na organisâsi fu Yehovah nanga mi heri ati?’