DU MUITI FU TRON WAN MORO BUN PREIKIMAN | KON ABI MORO PRISIRI NA INI A PREIKIWROKO
Gebroiki agersitori fu tyari prenspari penti kon na krin
Te wi e tyari gobaka noso hori Bijbelstudie, dan wi musu yepi den sma fu frustan den moro prenspari penti. Wi kan doro den ati te wi e gebroiki agersitori. Dati kan yepi den fu no frigiti san den leri.
Te yu e sreka gi wan gobaka noso wan Bijbelstudie, dan luku san na den moro prenspari sani èn suku wan agersitori gi dati. Gebroiki agersitori fu sani di a sma sabi (Mt 5:14-16; Mr 2:21; Lu 14:7-11). Hori na prakseri san a sabi kaba èn san a e du na ini na aladei libi (Lu 5:2-11; Yoh 4:7-15). Te yu si fa a sma e prisiri fu di a frustan san a leri, dan yusrefi o prisiri tu.
LUKU A FELEM YU O PRISIRI TE YU E MEKI DISIPEL—FA YU KAN DU EN MORO BUN—GEBROIKI AGERSITORI FU TYARI PRENSPARI PENTI KON NA KRIN. BAKA DATI POTI DEN AKSI DISI:
Fu san ede wi musu yepi den studie fu wi fu frustan Bijbeltekst?
Sortu agersitori Neeta gebroiki fu taki fu Romesma 5:12?
Bun agersitori e naki sma ati
San kan de a bakapisi te wi e gebroiki bun agersitori?
Fu san ede wi musu gebroiki den felem nanga tra sani di na organisâsi meki, te wi e gi sma leri?