Piri-ai​—Wan fasi fa Yehovah e sori taki a lobi wi

Furu tron piri-ai abi fu nanga rai noso leri di wi e kisi. Ma a kan abi fu du tu nanga leri di wi e kisi fu poti wi na pasi, noso fu yepi wi fu tyari kenki kon. Yehovah e piri-ai gi wi so taki wi kan dini en na wan fasi di a feni bun (Ro 12:1; Heb 12:10, 11). Son leisi a kan hati te wi e kisi piri-ai, ma a e yepi wi fu du sani na wan moro bun fasi èn a e tyari blesi kon (Odo 10:7). San wi musu hori na prakseri te wi e kisi noso te wi e gi piri-ai?

A sma di e gi piri-ai. Owruman, papa nanga mama, nanga tra sma e du furu muiti fu gi piri-ai na wan lobi-ati fasi neleki Yehovah (Yer 46:28). Srefi efu wan sma musu kisi piri-ai fu di a du wan seryusu sondu, tog wi musu du dati nanga lobi èn na wan fasi di fiti.​—Tit 1:13

A sma di e kisi piri-ai. Awinsi sortu fasi wi kisi piri-ai, wi no musu mandi, ma wi musu teki en èn suku fu fiti en wantewante (Odo 3:11, 12). Fu di wi e sondu meki wi alamala abi piri-ai fanowdu èn wi e kisi dati na difrenti fasi. Son leisi wi e kisi piri-ai te wi e leisi Bijbel noso te wi de na den gemeente konmakandra. Ma son leisi wi e kisi piri-ai fu wan krutu komte. Te wi e teki piri-ai èn te wi e fiti en wantewante, dan wi o abi wan moro bun libi èn wi o man libi fu têgo.​—Odo 10:17.

LUKU A FELEM „YEHOVAH E STRAFU A SMA DI A LOBI.” BAKA DATI PIKI DEN AKSI DISI:

• 

  Fa Canon ben de fosi èn fa a kenki?

• 

  Fa Yehovah piri-ai gi en na wan lobi-ati fasi?

• 

  San a tori fu a brada disi e leri wi?