Sori taki yu e firi gi sma

Fu firi gi sma wani taki dati yu e suku fu frustan fa den e denki, fa den e firi, san den abi fanowdu èn san prenspari gi den. A fasi disi na wan sani di e komoto fu na ati, a e pusu wi fu yepi trawan èn a e hari sma. Te wi e sori a fasi disi na ini a preikiwroko, dan na so wi e sori sma taki Yehovah lobi libisma èn taki a e broko en ede nanga den. Disi o meki taki den o wani tron mati fu en.​—Fil. 2:4.

Wi no e sori taki wi e firi gi sma soso fu di wi wani preiki gi den, ma wi e du disi fu di wi e broko wi ede trutru nanga sma. Disi o de fu si na a fasi fa wi e arki èn e taki nanga den. Den o man si en na wi fesi srefi. Wi e poti prakseri na den sani di den lobi, den sani di den e bribi èn a situwâsi fu den. Wi e sori den san Bijbel e taki èn wi e suku fu yepi den, ma wi no e dwengi den fu kenki. Te den e du san wi e leri den, dan dati e meki wi de nanga moro prisiri.

LUKU A FELEM YU O PRISIRI TE YU E MEKI DISIPEL​—FA YU KAN DU EN MORO BUN ​—SORI TAKI YU E FIRI GI SMA. BAKA DATI PIKI DEN AKSI DISI:

• 

  Fa Neeta sori taki a e broko en ede nanga Jade di a kon lati?

• 

  Fa Neeta sori taki a e hori Jade na prakseri di a taki dati a e stress?

• 

  Fa Neeta sori taki a e frustan Jade di a taki dati en libi no orga?