Si den owru uma leki yu eigi mama èn den yongu uma leki yu eigi sisa

Bijbel e leri wi taki wi musu si den moro owru Kresten leki wi papa nanga mama èn den moro yonguwan leki wi brada nanga sisa. (Leisi 1 Timoteyus 5:1, 2.) Spesrutu den brada musu sori taki den abi lespeki nanga warderi gi den sisa fu wi.

Noiti wan brada ben o du wan sani di ben o meki taki wan sisa firi fruferi te a de ini en birti (Yob 31:1). Wan brada di no trow no o prei nanga den firi fu wan sisa di no trow. A no o gi a sisa a firi leki a wani de nanga en aladi dati no de so.

Efu wan sisa sidon nanga wan sani, noso efu a abi wan aksi, dan na wan switi fasi den owruman o poti prakseri na en. Owruman e poti prakseri spesrutu tu na den uma di no abi masra fu yepi den.​—Ru 2:8, 9.

LUKU A FELEM TAN SORI LOBI NA INI A GEMEENTE​—GI UMA DI MASRA DEDE ÈN GI PIKIN DI NO ABI PAPA. BAKA DATI PIKI DEN AKSI DISI:

• 

  Fa a gemeente sori trutru lobi gi sisa Myint?

• 

  Fa a lobi di a gemeente sori gi en ben abi krakti tapu den sma ini a dorpu?

• 

  Fa a fasi fa a gemeente ben sori lobi gi a sisa disi ben abi krakti tapu den umapikin fu en?

San na wan tu fasi fa yu kan sori trutru lobi gi den sisa na ini yu gemeente?