Yepi den Bijbelstudie fu go na den konmakandra

Den konmakandra na wan prenspari fasi fa wi e dini Yehovah (Ps 22:22). Ala den wan di e kon makandra fu dini Yehovah e prisiri èn den e kisi blesi (Ps 65:4). Furu tron, Bijbelstudie di e kon doronomo na den konmakandra, e go na fesi moro esi.

Fa yu kan yepi den Bijbelstudie fu yu fu kon na den konmakandra? Tan kari den fu kon. Sori den a felem San wi e du na ini wan Kownukondre zaal? Sori den sortu wini den o kisi te den e kon na den konmakandra (lff les 10). Fruteri den san yu leri na den konmakandra, noso san wi o leri na den konmakandra di e kon. Gi a studie den buku san wi o gebroiki na a konmakandra. Yu kan yepi en tu fu kon na den konmakandra, kande fu di yu e go teki en na oso. Te yu du ala san yu man, yu o breiti te a kon na konmakandra fu a fosi leisi.​—1Kor 14:24, 25.

LUKU A FELEM YEPI DEN BIJBELSTUDIE FU YU FU GO NA DEN KONMAKANDRA. BAKA DATI PIKI DEN AKSI DISI:

• 

  Sortu okasi Neeta gebroiki fu kari Jade fu kon na konmakandra?

• 

  Fu san ede wi e breiti te wan Bijbelstudie e kon na den konmakandra?

• 

  Fa Jade ben feni en di a go na konmakandra a fosi leisi?