San wi kan leri fu Samuel

Samuel dini Yehovah en heri libi langa. Di a ben yongu a no ben e du den ogri di Hofni nanga Pinehas, den manpikin fu Eli, ben e du (1Sa 2:22-26). A gro kon bigi èn Yehovah ben tan de nanga en (1Sa 3:19). A tan waka nanga Yehovah di a kon owru aladi den boi fu en no ben du dati.​—1Sa 8:1-5.

San wi kan leri fu Samuel? Efu yu na wan yonguwan yu kan de seiker taki Yehovah e frustan sortu problema e miti yu èn fa yu e firi. A kan yepi yu fu abi deki-ati (Yes 41:10, 13). Papa nanga mama di abi pikin di no e dini Yehovah moro, kan kisi trowstu tu te den luku fa Samuel ben handri nanga a situwâsi fu en. A no ben man dwengi den boi fu en di ben kon bigi kaba fu dini Yehovah leki fa ensrefi ben e du dati. A ben libi a tori gi Yehovah, ma ensrefi ben du ala san a man fu dini Yehovah nanga en heri ati èn fu meki a prisiri. Kande a bun eksempre fu yu kan yepi yu pikin fu drai kon baka na Yehovah.

LUKU A FELEM LERI FU DEN​—SAMUEL. BAKA DATI PIKI DEN AKSI DISI:

• 

  Fa Samuel sori taki a ben abi deki-ati di a ben yongu?

• 

  Fa Danny sori taki a ben abi deki-ati?

• 

  Fa Samuel ben de wan bun eksempre di a kon owru?

• 

  Fa a papa nanga mama fu Danny gi wan bun eksempre?