Suma na yu mati tapu Internet?

Wan wortu buku e taki dati wan mati na „wan sma di e tai hori na wan trawan fu di a e firi gi en èn fu di a e lespeki en.” Fu eksempre, Yonatan nanga David ben tron bun mati fu makandra baka di David kiri Goliat (1Sa 18:1). Ibriwan fu den ben abi fasi di a trawan ben lobi. Èn na dati ben meki taki den tron bun mati fu makandra. Sma e tron bun mati fu makandra fu di den sabi den srefi bun. A e teki furu ten nanga muiti fu kon sabi wan sma. Ma na tapu Internet, sma e klik nomo tapu „friends” fu tron mati fu makandra. Drape a makelek gi sma fu kibri gi trawan suma den de trutru, fu di den kan denki na fesi san den o taki en san den wani trawan denki fu den. Dati meki a prenspari fu denki bun sortu sma yu o teki leki mati tapu Internet. Efu wan sma di yu no sabi aksi yu tapu Internet fu de en mati, dan no frede fu taki nôno, fu di yu denki taki yu o hati en firi. Son sma bosroiti srefi fu no gebroiki social media, fu di den sabi san kan de den kefar. Ma efu toch yu bosroiti fu gebroiki en, dan san na wan tu sani san yu musu hori na prakseri?

LUKU A FELEM LUKU BUN SAN YU E DU TE YU DE TAPU INTERNET. BAKA DATI PIKI DEN AKSI DISI:

• 

  San yu musu hori na prakseri fosi yu seni wan fowtow noso skrifi wan sani tapu Internet?

• 

  Fu san ede yu musu luku bun te yu e luku suma yu o teki leki mati tapu Internet?

• 

  Fu san ede a bun fu denki na fesi o furu ten yu o gebroiki fu de tapu Internet?​—Ef 5:15, 16