Trowlibi​—Tu sma e tan makandra den heri libi langa

Wan bun Kresten trowlibi e gi Yehovah grani èn a e meki taki masra nanga wefi e prisiri (Mr 10:9). Fu man tan abi wan koloku trowlibi, Kresten musu gebroiki Bijbel gronprakseri te den e luku nanga suma den o trow.

Na wan koni sani fu suku wan sma te yu no „yongu tumusi”, dati wani taki te yu pasa den yari kaba pe den seksfiri fu yu kan meki en muilek gi yu fu teki wan koni bosroiti (1Kor 7:36). Gebroiki a ten te yu no trow ete fu tranga yu matifasi nanga Yehovah èn fu tron wan lepi Kresten. Te yu du dati, dan a o moro makelek gi yu fu abi wan bun trowlibi.

Fosi yu bosroiti fu trow nanga wan sma, dan teki ten fu leri sabi ’a sma di a de dipi na ini en ati’ (1Pe 3:4). Efu sani de di e meki yu tweifri, dan taki fu den nanga a sma nanga suma yu wani trow. Ini a trowlibi yu musu poti moro prakseri na san yu kan gi leki na san yu kan kisi (Fp 2:3, 4). Te yu e fiti Bijbel gronprakseri fosi yu trow, dan dati o meki en moro makelek gi yu fu abi wan koloku trowlibi.

LUKU A FELEM SREKA GI A TROWLIBI​—PISI 3: „TERI DEN KOSTU”. BAKA DATI PIKI DEN AKSI DISI:

• Fa sani ben waka di a sisa ben e hori nanga Shane?

• San a si di a kon leri sabi en moro bun?

• Fa en papa nanga mama yepi en èn sortu koni bosroiti a teki?