WI KRESTEN LIBI
Yehovah e yepi wi te wi e kisi tesi
Na ini den lasti dei disi, wi e kisi fu du nanga furu tesi di muilek srefisrefi. Son leisi wi kan firi leki den tesi hebi tumusi gi wi fu man horidoro. Ma efu wi tan kon krosibei na Yehovah, a o yepi wi fu horidoro srefi na ini den moro hebi tesi (Yes 43:2, 4). Fa wi kan kon krosibei na Yehovah te wi e kisi tesi?
Begi. Te wi e taigi Yehovah krin san de na ini wi ati, dan a o meki wi firi korostu èn a o gi wi a krakti di wi abi fanowdu fu man horidoro.—Fp 4:6, 7; 1Te 5:17.
Konmakandra. Na ini a ten disi, wi abi den Bijbel leri nanga a demakandra di Yehovah sreka gi wi na den konmakandra tranga fanowdu, moro leki iniwan ten bifo (Heb 10:24, 25). Te wi e sreka fu go èn teki prati na den konmakandra, wi e kisi wini fu a yepi fu a santa yeye fu Yehovah.—Opb 2:29.
Preikiwroko. Efu wi e du ala san wi man fu tan du a preikiwroko, a o moro makriki gi wi fu poti prakseri na sani di e gi deki-ati. Wi o kon abi wan moro bun matifasi nanga Yehovah èn nanga den sma nanga suma wi e wroko makandra na ini a preikiwroko.—1Kor 3:5-10.
LUKU A FELEM YEHOVAH O POTI PRAKSERI NA YU. BAKA DATI PIKI DEN AKSI DISI:
San yepi Malu fu tan krosibei fu Yehovah na a ten di a ben kisi tesi?
Fa den wortu di skrifi na Psalm 34:18 kan trowstu wi te wi e kisi tesi neleki Malu?
Fa na ondrofenitori fu Malu e sori taki Yehovah e gi wi „krakti di bigi pasa marki” te wi e kisi tesi?—2Kor 4:7