WI KRESTEN LIBI
Meki muiti fu kon sabi fa Gado e denki
Wi wani meki Yehovah prisiri nanga ala san wi e du (Odo 27:11). Ma fu man du dati wi musu teki bosroiti di e sori taki wi e denki leki en, srefi efu wet no de di e taki krin san wi musu du. San kan yepi wi fu du dati?
Tan studeri Bijbel ala ten. Ibri leisi te wi e leisi Bijbel, wi e meki ten gi Yehovah. Wi kan kon sabi fa Yehovah e denki te wi e poti prakseri na a fasi a ben e handri nanga en pipel. Wi kan si dati tu te wi e poti prakseri na den eksempre fu sma di ben du bun noso ogri sani te wi luku a fasi fa Gado e si sani. Te wi musu teki bosroiti, dan a santa yeye kan yepi wi fu memre den prenspari sani nanga rai di wi ben leri na ini Gado Wortu.—Yoh 14:26.
Ondrosuku sani. Te yu musu teki wan bosroiti, dan aksi yusrefi: ’Sortu tekst noso tori na ini Bijbel kan yepi mi fu frustan fa Yehovah e denki fu a tori disi?’ Begi Yehovah fu yepi yu èn gebroiki den sani di na organisâsi meki fu ondrosuku Bijbel èn di de fu kisi na ini a tongo fu yu. Den sani disi o yepi yu fu feni Bijbel gronprakseri di kan yepi yu na ini a situwâsi fu yu.—Ps 25:4.
LUKU A FELEM WI MUSU „HORIDORO TE WI E LON A STREILON”—NYAN GOSONTU NYANYAN. BAKA DATI PIKI DEN AKSI DI E KON NOW:
Sortu druk ben de tapu a yongu sisa ini a felem?
Fa yu kan gebroiki den sani di na organisâsi meki fu ondrosuku Bijbel fu yepi yu pasa den srefi sortu tesi disi?
Fa wi e feni wini te wi e teki ten fu studeri nanga wisrefi èn ondrosuku sani di kan yepi wi fu teki bun bosroiti?—Heb 5:13, 14