WI KRESTEN LIBI

Yepi sma di no e bribi na ini Gado fu kon sabi den Mekiman

Yu e frede fu preiki gi sma di no e bribi ini Gado fu di yu denki taki den no o wani arki? Efu yu e firi so, dan memre taki furu sma di no de ini wan kerki, sosrefi sma di no e bribi taki wan Gado de, kon tron Yehovah Kotoigi. Nofo tron den ben abi wan sma fanowdu fu yepi den fu ondrosuku den buweisi taki wan Gado de.—Ro 1:20; 10:14.

LUKU A FELEM NO FRIGITI—SMA DI NO ABI BRIBI KAN KENKI!—SMA DI NO E BRIBI NA INI GADO. BAKA DATI PIKI NA AKSI DISI:

Fa na ondrofenitori fu Tommaso kan yepi yu fu no frede fu preiki gi sma di no e go na kerki?

San na a piki fu yu

Fa yu kan du en

Efu wan sma taigi yu taki a no e bribi ini Gado, dan yu musu sori switifasi èn no taki sani di o meki a sma firi wan fasi. Arki bun te a e fruteri yu fa e denki (2Ti 2:24). Taki fu sani di o hari en prakseri. A sma wani taki fu buweisi di meki taki furu sma bigin bribi taki wan Mekiman de? Efu dati de so, dan gebroiki den publikâsi nanga felem di meki fu yepi den sortu sma disi. Den brochure Is het leven geschapen? nanga Vijf belangrijke vragen over het onstaan van het leven de tu ini a Teaching Toolbox so taki wi kan feni den makriki.

Kande yu e frede fu taki fu Bijbel nanga wan sma di no e bribi ini Gado. Efu dati de so, dan aksi wan preikiman di abi ondrofeni fu yepi yu. Èn hori na prakseri taki Yehovah kan yepi wi fu doro na ati fu sma di abi a yoisti denki. A kan du disi awinsi den no e bribi ini en a fosi leisi di wi preiki gi den—Tor 13:48.