Wi o man de wan reti-ati sma efu wi e tan prakseri sani di reti

Wi e sori taki wi e tan getrow na Yehovah nanga den sani di wi e taki èn du, ma sosrefi nanga den sani di wi e prakseri (Ps 19:14). Fu dati ede Bijbel e gi wi a deki-ati fu prakseri sani di tru, sani di seryusu, sani di reti, sani di krin, sani di e meki sma sori lobi, sani di sma e taki bun fu den, sani di bun nanga sani di warti fu sma prèise den (Fp 4:8). Fu taki en leti, a no ala ten wi man sorgu taki wi tan prakseri sani di bun noso taki takru prakseri no e kon ini wi frustan. Ma te wi man dwengi wisrefi, dan dati kan yepi wi fu puru takru prakseri na ini wi frustan èn prakseri sani di bun. Efu wi e tan wan reti-ati sma na ini wi prakseri, dan dati kan yepi wi fu tan wan reti-ati sma ini a fasi fa wi e tyari wisrefi èn e du sani.​—Mr 7:21-23.

Skrifi na ondro ibriwan fu den Bijbeltekst di e kon now, sortu sani wi no musu prakseri:

Ro 12:3

Lu 12:15

Mt 5:28

Fp 3:13