Social media e du ogri nanga yu pkin?​—⁠Fa Bijbel kan yepi p’pa nanga m’ma?

„Moro nanga moro yongu sma e kon siki na den ferstan, èn social media na wan fu den sani di meki taki disi de so.”​—Datra Vivek Murthy, edeman fu gosontu afersi na Amerkankondre, New York Times, 17 yuni 2024.

Fa p’pa nanga m’ma kan kibri den pkin gi ogri di kan miti den tapu social media? Na ini Bijbel den kan feni rai di den kan gebroiki bun.

San p’pa nanga m’ma kan du?

Luku san Bijbel e taki.

„A koniwan e luku bun pe a e poti en futu.”​—Odo 14:15.

Fu di social media kan de wan kefar gi den pkin, yu no musu meki sma dwengi yu fu meki yu pkin gebroiki social media. Fosi yu meki yu pkin gebroiki social media, yu musu de seiker taki a o hori ensrefi na a ten di yu gi en fu de tapu social media, taki a abi bun mati drape èn taki a no e luku noso arki sani di no fiti.

• Efu yu wani sabi moro fu a tori disi, dan leisi den artikel di nen „Zal ik mijn kind sociale media laten gebruiken?” nanga „Hoe leer ik mijn kind om veilig met sociale media om te gaan?.”

„Un musu gebroiki a ten fu unu na wan koni fasi.”​—Efeisesma 5:16.

Efu yu feni en bun taki yu pkin e gebroiki social media, dan sori en krin san a mag du èn san a no mag du, èn sori en fa disi o yepi en fu no meki ogri miti en. De na ai so taki yu kan si efu a fasi fa a pkin gwenti du sani e kenki èn efu a de fanowdu fu taigi en taki no mag go so furu moro tapu social media.

• Gebroiki a tekenfelem di nen „Luku bun san yu e du te yu de tapu Internet fu yepi yu pkin fu ferstan fu san ede a no mag go so furu tapu social media.

Kon sabi moro

Bijbel e taki dati wi e libi na ini ’muilek ten di tranga fu pasa’ (2 Timoteyus 3:1-5). Ma Bijbel e gi wi bun rai tu di kan yepi wi na ini a muilek ten disi. Na ini na artikel disi yu o feni moro leki 20 link di kan yepi p’pa nanga m’ma nanga den pkin fu den . Den link disi kan yepi yu pkin fu no kon siki na en ferstan.