Voetnoot

c Na Evangelie skrifiman Lukas no skrifi den dri tesi soleki fa den pasa baka makandra. Ma na ini a buku Mateyus wi kan leisi fu den tesi disi soleki fa den pasa baka makandra. Luku dri reide fu san ede wi kan taki dati. (1) Te Mateyus e taki fu a di fu tu tesi, a e bigin nanga a Griki wortu tote, fu sori taki a tesi disi pasa baka a fosiwan. (2) A sori leki den tu tesi di e bigin nanga den wortu „Efu yu na wan manpikin fu Gado”, pasa baka makandra fu di Satan ben wani kori Yesus. Ma di a si taki den tesi dati no wroko, a kon nanga a di fu dri tesi pe a sori krin taki a ben wani taki Yesus anbegi en. Satan ben wani meki Yesus pasa a fosi komando (Eks. 20:2, 3). (3) Di Satan taigi Yesus fu anbegi en wán leisi nomo, dan Yesus piki en: „Gowe fu dya, Satan!” Den wortu disi fu Yesus e fiti moro na a lasti tesi. Dati meki wi kan frustan fu san ede Mateyus poti a tesi disi leki a lastiwan.​—Mat. 4:5, 10, 11.