Voetnoot

a Wan leisi, De Wachttoren ben taki a sani disi di e gi wi inzicht: „Wi no moesoe trowe a libi disi foe wi gi sani di de foe soso . . . Efoe a libi disi na ala san de, dan no wan sani de prenspari. A libi disi de leki wan bal di joe e trowe go na loktoe èn di esi-esi e fadon kon na gron baka. A de leki wan skaduw di e frei gowe esi-esi, leki wan bromki di e flaw, leki wan pisi grasi di den sa koti poeroe èn di esi-esi sa drei gowe. . . . Na tapoe a wegi foe têgo ten, a libi foe wi na wan pisi doti di no warti noti. Na ini a ten di e go doronomo, a libi foe wi no de wan bigi dropoe watra srefi. Seiker [Salomo] abi leti foe kari den sani disi soso sani, te a e si den foeroe sani di libisma e broko den ede nanga dati na ini a libi èn den sani di den e doe. Heri esi wi no sa de moro, neleki wi no ben de srefi, wan foe den miljardmiljard sma di e kon èn e go, ala di pikinso sma nomo ben sabi oiti taki wi ben de dja srefi. A fasi disi foe si sani, no de wan di e tweifri na sma noso a no de wan sari prakseri. Efoe a libi disi de ala san de, dan dati na a waarheid, a de soleki fa sani de troetroe, wan praktis fasi foe si sani.” — 15 oktober 1957, bladzijde 483.