Voetnoot

a Wan toe Kresten di e wroko na ini ati-oso ben abi foe prakseri a penti disi di abi foe doe nanga a sma di na basi. Wan datra ben sa kan abi a makti foe bepaal sortoe dresi wan sikisma moesoe kisi noso na sortoe fasi den moesoe jepi en. Srefi te wan sikisma no abi trobi, dan fa wan Kresten datra di abi a makti kan gi a komando foe gi broedoe-transfusie noso foe poeroe bere, ala di a sabi san Bijbel e taki foe den sortoe afersi disi? Kontrari foe dati, wan zuster di e wroko na ini ati-oso no ben sa kan abi so wan makti. Te a e doe den wroko di a moesoe doe ibri dei, dan wan datra ben sa kan taigi en foe ondrosoekoe broedoe, noso foe sorgoe gi wan sikisma di ben kon foe poeroe bere. Akroederi na eksempre di skrifi na 2 Kownoe 5:17-19, a zuster ben sa kan denki taki foe di a no en na a sma di abi a makti foe taki dati wan transfusie moesoe gi, noso taki bere moesoe poeroe na wan sma, meki a ben sa kan doe wan sikisma wan boen. A no de foe taki, dati a ben sa moesoe prakseri en konsensi toe, so taki a ’ben sa tjari ensrefi nanga wan boen konsensi na fesi Gado’. — Tori foe den Apostel 23:1.