Voetnoot

a Te Yehovah Kotoigi e taki fu Gado Kownukondre, dan den no e moksi densrefi nanga politiek noso den no e seti sani fu opo densrefi teige grontapu tirimakti. Srefi na ini kondre pe den tapu a wroko fu den noso pe sma e frufolgu den, den Kotoigi no e opo densrefi teige tirimakti (Titus 3:1). Na presi fu dati, den e pruberi fu yepi sma na wan fasi di e tyari wini kon, na wan yeye fasi, sondro fu du sani nanga yepi fu politiek, soifri leki fa Yesus nanga den fosi yarihondro disipel fu en ben du. Den Kotoigi e du tranga muiti fu yepi sma di lobi regtfardikifasi. Den e go miti den sma na ini den difrenti libimakandra, fu yepi den sma disi fu teki den bun Bijbel leri. Den e leri den sma sani di abi fu du nanga lobi na mindri memre fu na osofamiri, eerlijkfasi, markitiki fu tyari densrefi na wan krin fasi ini a tori fu bun gwenti nanga gronprakseri, èn leri di abi fu du nanga bun gwenti na ini wroko afersi. Moro furu den Kotoigi e pruberi fu leri den sma fa fu waka baka Bijbel gronprakseri èn fa fu luku go na Gado Kownukondre leki a trutru howpu gi a libisma famiri.