Voetnoot

a Bifo a Wet frubontu ben meki nanga den Israelsma, mansma ben abi a gwenti kaba fu abi tra uma boiti a wefi fu den. A Wet ben sori taki sma ben abi a gwenti disi èn Gado ben poti markitiki di ben sori sma fa den ben musu handri na ini a kefal disi. Gado no ben feni taki a ten ben doro ete fu seti a trowlibi baka soleki fa a ben seti en na ini a dyari fu Eden, namku taki wan man musu abi wán wefi nomo. A ben seti dati baka na a ten di Yesus Krestes ben kon na grontapu. Ma Gado ben poti markitiki na ini a Wet, di ben sori san na den reti di den tra uma fu wan man ben abi. A no de fu taki, dati a teki di mansma ben e teki tra uma boiti a wefi fu den, ben meki taki a pipel fu Israel ben kon furu moro esi.