Voetnoot

a Fosi a revo fu oktober 1917, Rosiakondre ben e gebroiki na owru Juliaanse kalender, aladi furu kondre ben bigin gebroiki a Gregoriaanse kalender. Na ini 1917, a Juliaanse kalender ben de 13 dei na baka te yu e teki en gersi nanga a Gregoriaanse kalender. Baka a revo, den sma fu a Sovyet-Unie bigin gebroiki a Gregoriaanse kalender, èn na so fasi Rosiakondre ben abi a srefi kalender leki den tra kondre na grontapu. Ma na Orthodox Kerki, tan hori den fesa fu den akruderi a Juliaanse kalender, èn na so den kari a kalender dati a „Fositen” kalender. Kande yu sa yere taki sma na ini Rosiakondre e hori Kresneti tapu 7 yanuari. Ma hori na prakseri, taki 7 yanuari tapu a Gregoriaanse kalender, na 25 december tapu a Juliaanse Kalender. Dati meki furu Rosiasma e sreka sani fu hori den fesa disi: tapu 25 december den e hori Kresneti na a fasi fa sma na ini den kondre di no abi a Communist tiri e hori dati; tapu 1 yanuari den e hori a Nyun-Yarifesa soleki fa heri grontapu e memre dati; tapu 7 yanuari den e hori Kresneti akruderi na Orthodox bribi; tapu 14 yanuari den e hori a Nyun-Yarifesa akruderi a Fositen kalender.