Voetnoot

a Kownu David fu owruten Israel, ben feti nanga den Yebusietsma èn a teki a Sionbergi na grontapu abra. A meki a presi disi di ben de wan fortresi fu den sma dati, tron a mamafoto fu a kownukondre fu en (2 Samuel 5:6, 7, 9). A tyari a santa Ark go drape tu (2 Samuel 6:17). Fu di na Ark ben e sori taki Yehovah ben de na mindri den Israelsma, meki den ben e si a Sionbergi leki a presi pe Gado e tan, èn fu dati ede a Sionbergi e prenki hemel heri bun.—Exodus 25:22; Lefitikus 16:2; Psalm 9:11; Openbaring 11:19.